Кечээ 30.05.2022 Терек-Сай айылынын маданият үйүндө тренинг болуп өттү.
Ага Терек-Сай жалпы билим берүү мектеби менен Чымканаев атындагы мектептин 6,7 жана 8 класстагы окуучулары катышты. Иш чара балдарды коргоо күнүнө карата уюштурулуп, балдардын укуктары жана милдеттери тууралуу лекциялар окулду.
Балдарды майрамы менен “Эти Бакыр Терексай” ишканасынын Башкы мүдүрү Вели Гөкдере куттуктап, ийгиликтүү болууда таалим тарбиянын, билимге умтулуунун жана күжүрмөн эмгектенүү керектигин белгиледи. Ошондой эле окуучулар арасында оюн уюштуруп, мектеп программасын кандай билишээрин аныктады.
Жеңүүчүлөргө компаниянын атынан китеп коюучу тирек, ал эми балдар укугу тууралуу дарс окуган мугалимдерге телефон коючу тирек белек катары тартууланды.
Медиатор Кымбат Токонова балдар арасында чыр-чатактар чыгуунун себептерин түшүндүрүп, анын алдын алуу жолдорун үйрөттү.
Ал эми Терек-Сай жалпы билим берүү мектебинин социалдык педагогу Анара Базарбаева бала менен ата-эне ортосундагы мамиле тууралуу токтолуп, оюн түрдө аудиторияга жеткире алды. Иш-чаранын жыйынтыгында балдардын укуктарына арналган тренингдин катышуучулары эсте калаарлык сүрөткө түшүштү.
